Наврўз байрами шарқ халқлари орасида бир неча минг йиллардан буён нишонланиб келинмоқда. Наврўз табиатнинг ўзидан келиб чиққан холда, куну -тун тенглашгандан сўнг, кунларнинг узайиши, табиатнинг уйғониш байрамидир. Аёзли қишдан сўнг кўкда қуёшнинг юз кўрсатиши, қирларда майса-гиёҳларнинг ниш уриб чиқиши халқимиз учун ҳақиқий байрамга айланган. Нав – Янги, рўз – кун, яъни Янги кун деб аталиши бежиз эмас. Continue reading “АНЪАНАВИЙ “НАВРЎЗ – 2019” БАДИИЙ КЎРГАЗМАСИ”
«Наврўз- 2019» Ўзбекистон халқ санъати усталари. Умирбоқий анъаналар
Наврўз байрами арафасида Ўзбекистон Бадиий Академияси Марказий кўргазмалар залида Ўзбекистоннинг таниқли халқ амалий санъат усталари – 2019 йил юбилярлари асарларидан ташкил этилган кўргазманинг очилиш маросими бўлиб ўтади. Булар сулолавий усталар бўлиб, Ватанимиз халқ амалий санъатига ўзларининг бебаҳо ҳиссаларини қўшган, ўз ҳунарининг моҳир усталаридир. Улар Самарқанд кулолчилиги усталари гуруҳи – Уста Умарқул Жўрақулов (125 йил), унинг ижодий устахонадаги хамкасби –технолог ва педагог Софья Федоровна Ракова (100 йил)- Самарқанд кулолчилик мактаби асосчилари ва уларнинг маҳоратли шогирдлари – яқинда орамиздан кетган Хайдар Батуров ва хозирда ижод қилиб келаётган академик-кулол Худойберди Хақбердиевларнинг 70 йиллиги нишонланади. Continue reading “«Наврўз- 2019» Ўзбекистон халқ санъати усталари. Умирбоқий анъаналар”
«Дунё болалар нигоҳида»
2019 йил 12 март куни Ўзбекистон Бадиий академиясининг марказий кўргазмалар залида Шанхай ҳамкорлик ташкилотига аъзо давлатларнинг маданияти, тарихи, анъаналари ва табиатига бағишланган «Дунё болалар нигоҳида» мавзуидаги болалар расмлари кўргазмаси очилди.
Кўргазманинг асосий ташкилотчилари – ШҲТнинг Ўзбекистондаги Халқ дипломатияси маркази, Ўзбекистон Бадиий академияси, Ўзбекистон Республикаси Ташқи ишлар, халқ таълими ва мактабгача таълим вазирликлари. Continue reading “«Дунё болалар нигоҳида»”
«Атиргулу Андалиб» кўргазмаси
Ўзбекистон Бадиий Академиясининг Рассомлар уюшмаси Санъатшунослар шўъбасининг ташаббуси билан анъанавий “Баҳор вернисажи” кўргазмаси ўрнига, бу йил “Атиргулу Андалиб” лойиҳаси бўлиб ўтади. Атиргулу Андалиб – Шарқ санъатида кўплаб учрайдиган шоирона мавзудир. Бу хаёлий ва тасвирий фантазия маҳсулидир. Андалиб – Ижодкорнинг шоирона ва тасвирий мотивларининг мажозий сиймоси ҳисобланади, Атиргул эса уни олам олдида таҳсини ва ердаги тимсоли бўлиб, метафора ва маҳбуби образига қиёсланади. Андалиб гўзал Атиргулни тараннум этади. Continue reading “«Атиргулу Андалиб» кўргазмаси”
Ўзбекистон Республикаси Санъат арбоби, академик САЪДУЛЛА АБДУЛЛАЕВНИНГ “МИР АЛИШЕР НАВОИЙГА ЭҲТИРОМ” номли шахсий кўргазмаси
ЎЗБЕКИСТОН БАДИИЙ АКАДЕМИЯСИ
КАМОЛИДДИН БЕҲЗОД НОМИДАГИ ШАРҚ МИНИАТЮРА САНЪАТИ МУЗЕЙИ
Алишер Навоий буюк шоир, мутафаккир, ўзбек адабий тили ва адабиётининг асосчиси ва давлат арбоби сифатида ўз даври ижтимоий-маданий ҳаёти, хусусан, тасвирий санъат ривожига катта ҳисса қўшган. Бу давр илм-фан, маданият, жумладан, меъморлик, хаттотлик ва китобат санъати равнақ топган замон сифатида жаҳон тамаддунидан ўрин олган. Алишер Навоий нафақат шоир, давлат арбоби, балки адабиёт назариётчиси, мусаввир, мусиқачи, тарихчи, хаттот ҳам бўлган. Бир неча санъат турларининг билимдони эканлиги достонларининг умумий ғоявий-бадиий мазмунига сингдирилган ҳолда, асарда юз берувчи воқеалар билан уйғунликда бадиий услубда акс этган. Continue reading “Ўзбекистон Республикаси Санъат арбоби, академик САЪДУЛЛА АБДУЛЛАЕВНИНГ “МИР АЛИШЕР НАВОИЙГА ЭҲТИРОМ” номли шахсий кўргазмаси”
Абдумўмин Бойматовнинг шахсий кўргазмаси
2019 йилнинг 25 январь куни Бадиий Кўргазмалар дирекциясининг Марказий Кўргазмалар залида Ўзбекистон халқ рассоми, профессор Абдумўмин Бойматовнинг шахсий кўргазмаси очилиш маросими бўлиб ўтади.
Экспозицияда унинг ижодий фаолияти давомида яратган ҳайкалтарошлик асари наъмуналари намойиш этилган. Улар тарихий намоёндалар ва олимлар – Абу Райҳон Беруний, Абу Али ибн Сино, Ал Хоразмий, замондошлар портретлари, анималистик жанрдаги ишлар, шунингдек, жангчилар хотирасига бағишланган маҳобатли асарлар эскизлари ўрин олган. Continue reading “Абдумўмин Бойматовнинг шахсий кўргазмаси”