21 aprel kuni O‘zbekiston bo‘ylab Rassomlar kuni keng nishonlanadi va an’anaga ko‘ra, mamlakatimizdagi barcha ko‘rgazma maydonchalari, ixtisoslashtirilgan ta’lim muassasalari yil davomida tayyorlagan loyihalarini tomoshabinlar bilan baham ko‘radi.
2025-yil 21-apreldan 25-aprelgacha Markaziy ko‘rgazmalar zalida Xalqaro tasviriy va amaliy san’at festivali doirasida bir qancha muhim tadbirlar bo‘lib o‘tadi.
Xususan, K.Behzod nomidagi Milliy san’at va dizayn institutining “T-SHIRT” loyihasida talabalar madaniy kodga shaxsiy munosabatda bo‘lgan, klonlash va o‘xshashlik tamoyilini inkor etib, ularning o‘ziga xosligini ochib beruvchi futbolka kabi utilitar narsani sintez qilganlar.
Rossiyadan tashrif buyurgan “Art-caravan” ijodiy guruhi ham Rossiya, ham O‘zbekiston tabiati va shaharlari go‘zalligidan ilhomlanib yaratgan rangtasvir va grafik asarlarini taqdim etmoqdalar.
Toshkent xalqaro kimyo universitetining “Ismlar” instalyatsiyasi yosh rassomlarning zamonaviy sanʼatdan foydalangan holda, obrazlar – niqoblar orqali inson qahramonlarining hissiy doirasini aks ettirish imkonini beradi.
21 aprel kuni bo‘lib o‘tadigan modalar namoyishida festivalning doimiy ishtirokchilari Keimyung University (Janubiy Koreya) talabalari fotografiya asarlarni va K. Behzod nomidagi Milliy rassomlik va dizayn instituti bilan birgalikda esa o‘zlarining liboslarini taqdim etadilar.
Toshkent arxitektura-qurilish universiteti va Kimyo xalqaro universiteti talabalari professor, akademik Marina Borodina rahbarligida “Shahar o‘yini” loyihasi – Markaziy ko‘rgazmalar zalining birinchi qavatida namoyish etilmoqda, unda bizni har bir inson shaxmat o‘yini ishtirokchisiga aylanib, arxitekturaning xayoliy olamiga olib ketadi.
Omar Danial Biuiiuktosun “ko‘cha qatlamlari” loyihasi raqamli ishlov berilmagan holda qora va oq plyonkada suratga olingan ko‘p qirrali ekspozitsiya texnikasi yordamida yaratilgan eksperimental fotolar loyihasidir. Uning asarlarida qora va oq fotografiya estetikasini, shahar va murakkab texnikada ehtiyotkorlik bilan munosabatda bo‘lganligini ko‘rish mumkin.
Ko‘rgazmalardan tashqari, zalda taniqli rassomlar, ta’lim muassasalari o‘qituvchilari ZXK “Nevskaya Palitra” va Vista – Artista brendi bilan hamkorlikdagi Umar Rajabov, Kamila Galitskayalar mahorat darslarini o‘tadilar.
Festivalning uchinchi kuni O‘zbekiston Badiiy ijodkorlar uyushmasi Anjumanlar zalida. “EGO XXVI” ilmiy-amaliy konferentsiyasi “Kinoya – san’atda badiiy vosita sifatida” nomli eksperimental konferentsiyasi bo‘lib o‘tadi. Kurator – professor, akademik Akbar Хakimov.
Ko‘rgazma zali galereyasi va istirohat bog‘i hududiga ixtisoslashtirilgan san’at muassasalari talabalari va o‘quvchilari tashrif buyurib, ular besh kun davomida san’at asarlarini yaratadilar.